今日 11:00
噚日揀咗隻恒指淡倉出嚟，計劃順小時圖向下望落去，唯一條件係出場時指數擺位要低於小時圖10線，因為正正借呢條線嚟做上方量度線。
午前有見指數低位落到24447點，同目前20線24442點都只係爭5點，唔貪心嘅呢趟都可以火速收工。
今朝9點鬆啲已經發出黃色暑熱工作警告，室外工作嘅都真係要多喝水，室內嘅即使有冷氣，但一出一入，一冷一熱亦容易會感親，所以都係要小心。
對住條恒指都係一樣，以為佢今日大裂口高走有力破位?!發夢啦你!24800點到步後留上影線出嚟，呢個情況係今朝開市前半個鐘已經出現咗三次，到依家10點6分，都仲未見恒指企得穩喺24800點之上。
不過，以暫時指數高位做過24821點計，首兩層熊證街貨全數被收回，而且依家第一層熊即24800至24899點開始見至係最多肉食嘅地方。
不過，24800點呢個好似搽咗成樽神油咁，唉~ 指數喺今朝用上下影線頂咗100點鬆啲嘅範圍出嚟之後開始慢活，試下搵個股先。
望望月曆，美股銀行股業績期開始緊，下個星期就到科技股派成績表，滙控(00005)將於7月30日公布業績，一段時間無睇佢，記得上一次keep住留意佢嗰時仲係同中移(00941)鬥緊邊個先破60蚊關口；如今已經「長大」到重新挑戰紅底股。
日線圖上見滙控五條主要平均線順序排列，股價自6月24日大陽燭高走返上10線之後至今一直守於線上，此前高位係7月11日嘅98.55元，稍回10線後依家再衝多一次，但今次Slow STC(14.3)有位。
唯借小時圖度入市位嘅話，股價依家貼住保歷加頂線兼通道口收窄，滙豐牛(68629)，收回價91元，對比日線圖呢個收回價仲低過50線(93.51元)，槓桿有約15.4倍，忽然換做Day Trade都得嘅，稍等股價會唔會向下回落到小時圖10線，企好先有得出。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
