7月14日 10:37
上個星期五揀咗恒指牛(56758)同恒指熊(55956)出嚟，因為出文時都開始見指數上到一定高位，同時保歷加通道都開始由拓闊變返平衡，用返五分鐘圖做Swing嘅話，咁就要有隻好淡倉在手，借Slow STC(14.3)觸頂同觸底兩邊做。
還好恒指都真係比返一個似樣嘅波幅出嚟，用五分鐘圖做Swing trade都可以做到三次，合計平均可以執到20格(負2格、正7.5格及正14.5格)或34.06%賺幅(負3.05%、正11.45%格及正25.66%)。
作戰室食得仲深，因為第一注係由好倉開始，比起呢再食多一注最大注、指數升得最勁嘅好倉注。
話說繼右肩頸痛咗兩三個星期終於都「無事」之後，上個星期開始又到左肩頸嚟料，脹痛到直頭唔用力輕輕掃過都痛到爆炸；好彩公司保險夠強大啫。
今朝開指數低開見24100點之後，到依家9點54分其實都未見有好大變動，作戰室暫時都只係開咗一轉好倉追上到見五分鐘圖10線唔過之後走人。淡倉亦喺今朝見指數於五分鐘圖24200點出平頂/10線唔過而出咗，但maybe手多，少少困於三角形，還好有位走。
日線圖上見，指數目前行咗一個大型「平頂三角形/楔形」出嚟(未埋口應該叫楔形嘅)，下方10/20線大約24000至24050點呢個位都等同於「平頂楔形」底線，頂線位見24500點，「平頂楔形」亦都愈來愈尖，怕且都係要待破先至有更明顯方向。
依家10點6分，作戰室先好後淡兩趟做咗五分鐘圖先行嘅「三角形」(呢個埋咗口啦，所以係三角形)，暫時指數真係完全零方向，連個股小時圖都未見有咩機會出現，適當嘅時侯先做適當嘅事，但既然依家都唔係一個適當嘅時侯，咁做第二啲事：即係你檯頭嘅工作呀！
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
