昨日 10:31
噚日揀咗隻恒指牛出嚟，終於等到下半場2點40分喺五分鐘圖上見返Slow STC(14.3)回落到超賣位，借此作Swing Trade快炒一轉不過夜，平均都有6.19%賺幅。
而如果呢隻好倉揸到今朝嘅話，今朝開市時升39點你未必好興奮；但到開市之後直上至依家9點38分，暫時高位見過24010點，升幅擴大至過百點，我諗你都已經收割咗先。
作戰室依家都已經有戰友率先偷咗幾格好倉；見24000點有上到但企唔穩，即刻做埋反手，幾格牛再加幾格熊，開市後用咗半個鐘到無就執咗份茶餐，依家個靈魂返番去工作崗位，繼續辦工。
睇文嘅一定無作戰室班友仔炒得咁快，用返個小時圖見今日開市後指數上返久違了嘅中軸線之上，這呢條線企好再出隻恒指牛(55718)，收回價23600點，同現價有約388點距離，槓桿有約47倍夠做今日Day Trade，即使借(55718)用嚟爬下格仔都夠玩，前題係要企穩小時圖嘅中軸先好；成功闖上24000點樓上又可以借返個日線圖出嚟繼續追上。
題外話，又多咗間發行商星展出恒指牛熊，雖然呢個Product依家一地都係，不過出錢落場嘅你先至係老闆，多啲選擇、貨比三家，你有著數呀！
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
