【輪證下半Part】進取恒指牛準備數格仔

今朝揀咗隻恒指牛(67719)出嚟，好貪心咁諗住博恒指轉燈，出文時都已經見到期貨着返綠燈啦，但港股真係未嘅，半日恒指最多都係20019點，而見到呢個高位嘅時間，正正就係Patreon剛剛出文嘅時間。

同平時一樣用10分鐘時間去睇文的話，咁之後再睇返個走勢圖就會見到五分鐘圖嘅Slow STC(14.3)向下，兼且指數亦都低走返條中軸線，(67719)未符合出場條件。

與此同時亦見到指數喺上到20019點，剛好撞正100線，今朝篇文都有講過，企得到中軸線出得到隻(67719)，但都要小心再上面嗰堆平均線。

稍等一等後大約10點50分都有見到指數上多次中軸線之上，不過去到11點5分，見指數第二次上去100線，都係無力再去，就知道餘下時間隻(67719)一係出唔到，一係等Slow STC(14.3)出觸底，同平時玩Swing Trade一樣咁做。

午後返嚟其實有一個機會進取+偷步可以出到(67719)，但五分鐘圖計Slow STC(14.3)只係得%K線低過20=入到超賣位，%D線係未入過，之後就兩線出觸底屈返上去。

但如果你係有偷到嘅話，恒指由Slow STC(14.3)抽上時嘅跌300幾縮到依家跌百幾，期貨再出綠燈，咁隻(67719)數住格仔開飯啦！

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。