今日 13:20
今朝喺作戰室玩咗兩轉淡倉之後，喺五分鐘圖上開始畫到「三角形」，麻煩啦，呢期我都係中「三角形」咒：一出「三角形」我輸九成。所以好警戒自己唔好掂個市。
於是，向個股發展，喺籠底搵返隻之前都有睇過嘅泡泡瑪特(09992)。嗰時佢都衝緊上過百，不過隨後向下落一落返去就跟甩咗。到再執返佢出嚟睇嘅時侯，喺2月初我老媽同佢啲FD去泰國旅行時，其中一個節目係花45分鐘排隊買labubu。
今日再睇已經見佢上到120蚊，執定隻泡瑪Call(29751)出嚟，唔趕嘅，呢啲個股Call真係可以慢慢玩。
今朝有講過可以用返五分鐘圖啲平均線，如果見到有支持嘅話就當進取注借線企好入(29751)；安全嘅等返五分鐘圖Slow STC(14.3)出超賣觸底上時先至出，當普通行Swing咁出一轉。
睇返個五分鐘圖，由今朝11點15分開始條Slow STC(14.3)兩線已經落到去超賣位，但去到上半場完場前，呢兩條Slow STC(14.3)都未見觸底上返離場超賣區，唔緊要，繼續等。
依家1點15分，恒指繼續保持下行往重貨牛方向走，作戰室午後淡倉都開出兼等緊重貨區到。
至於隻泡泡瑪特就有開始見返Slow STC(14.3)觸底，但兩線都仲未離開超賣區，唯有繼續等啦~
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
