2月20日 13:12
今朝借周線圖高位畫出「陀螺」+圓底頸線唔過而出隻恒指Put(28159)，都講到明今日係星期四，周線圖計佢都仲有今明兩日去變樣。
玩到去小時圖咁遠再加埋隻無收回條款嘅Put，就梗係想試捉指數23000點唔過向下回落之後嘅大漲小回啦。
補充多一樣嘢，噚日指數日線圖高位都有出「身懷六甲」，亦都係一個轉勢嘅訊號。
又咁講，捉轉角真係要時間同埋市底咁強嘅「盛世」之下出淡倉，透過注碼嚟控制風險係其中一個方法；見到可以即時收割變返Day Trader亦都唔係一個儒夫嘅行為，落場梗係搵錢啦，唔通搵真愛咩！
以今朝Patreon出文時間為10點3分，如同平時一樣用10分鐘時間去睇文的話，即於10點13分再睇返個市，當時指數已經下試咗22500點，同步五分鐘圖上嘅Slow STC(14.3)都已經落到超賣位，換保歷加見頂線未有再向上走，即使整條保歷加通道有似向下落，咁就會比返條件Swing Trade出現，呢個時侯再硬追淡倉，一係呢頭落完嗰頭博收到網；一係就等返Slow STC(14.3)彈返上超買，等下一個入市位。
「唔係用到日線至周線圖出淡倉架咩？」係嘅，但呢期指數日內波幅咁大，即使捱一個五分鐘圖嘅Swing，講緊都可能有200至300點嘅波幅，既然今日都只係星期四，借日線至周線圖玩肯定要過夜嘅話，何必急在一時，迫自己要喺一個唔靚嘅位落場呢？
上半場尾段指數由低位22436點抽到上半日收市報22627點，呢度已經有191點波幅。
下半場開市後見小時圖Slow STC(14.3)未到超賣位已經有出觸底向上，偷位好倉作戰室做緊啦，等睇小時圖10/20線會唔會做返阻力咁解啫。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
