2月17日 12:57
今朝揀咗隻恒指熊(54387)出嚟，主要係用嚟捉小時圖高位出嘅「射擊之星」，博指數向下回落。
以今朝Patreon出文時間為10點10分，如常的用10分鐘作為睇文時間，即於10點20分時再睇返個走勢圖，「射擊之星」當然仍然健在，而10點後嘅小時圖粒燭嘅擺位亦都低於「射擊之星」嘅位置。
再去返個五分鐘圖見指數已經由升轉跌，向下穿過中軸，Slow STC(14.3)兩線亦未到超賣，(54387)都仲有得落場，試追埋Slow STC(14.3)到超賣位，甚至用返個小時圖出嚟博指數向下踩住10線。
如常的用10分鐘時間去買貨的話，其內(54387)高低位做過0.073元/0.06元，平均買入價為0.0665元。
麻煩嘅係落場之後見指數一下子高走返條中軸線，不過，當時保歷加通道口有見收窄，即開始限制指數再上/再落嘅空間，再比多五分鐘時間指數亦見開始咬中軸，指數企於中軸線上的確不利淡倉，但憑住保歷加通道口收窄+指數仍然貼住中軸線未見拋高得狠勁，嘗試守多陣。
終於去到大約11點15分，見保歷加頂底線有同步向下嘅情況，重點係指數重新低走返條中軸線以下，強升勢中出淡倉嘅收網刺激有望出現。11點35分已經Slow STC(14.3)兩線低於20嘅超賣位，(54387)亦都可以爬格走人。
同樣的用10分鐘作為走貨時間，按期內(54387)高低位做過0.079元/0.067元，平均走貨價為0.073元。快走一趟平均執6.5格或9.77%。
作戰室今日主力都係做淡倉，當然有戰友好淡兩邊係咁反住手做。雖然一注未必執到好多格，但加加埋埋都口唔係少數目。
睇返個小時圖，半日高位22977點出「射擊之星」之後指數被推向下兩次落到22500點前附近有見止步，出下影線，雖然Slow STC(14.3)兩線明顯觸頂向下，不過10線位仍然未見追到上指數位置，同時指數絕大部分時間都處於保歷加上升通道。如果你仲有淡倉在手的話，下半場開市後留意埋小時圖10線同指數擺位，小心開始重新再借10線上過，或者22500點再見多次買盤支持，咁就真係對淡倉不利，記得走貨啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
