2月12日 13:04
如今朝所料，今朝揀嘅恒指熊(54381)追五分鐘圖出現嘅高位「十字星」，至出完文再如常的計10分鐘時間睇完嘅話，流星一樣已畫過。
今朝出文再睇完之後應該見到指數踩返住10線向上再高走，五分鐘圖SLow STC(14.3)兩線亦見重新兜返上超買位。不過，(54381)仍然都係有用，因為仍然可以繼續用返個五分鐘圖Slow STC(14.3)出觸頂後向下落，on top加多個條件係，向下穿埋條10線嘅話就可以視為出貨位，咪等佢踩線踩得咁過癮。
升市日裏面出淡倉真係好鬼刺激，喺大約11點10分，高位再次出現「射擊之星」物體，等多五分鐘已經見返一支陰燭向下插過去穿10線，同時Slow STC(14.3)亦有見觸頂向下，(54381)拎出嚟啦喎！
如同平時一樣以10分鐘時間出隻(54381)，期內高低位做過0.049元/0.038元，平均買入價為0.0435元。
出場後呢一次向下係真心架，因為買完貨之後再比多五分鐘，佢連五分鐘圖嘅中軸都穿埋，由於下方無晒平均線嘅關係，最近嘅得返條保歷加通道底線，所以一係用呢條線作為(54381)嘅目標價，一係等返Slow STC(14.3)落返去超賣位，行完一趟swing trade收工。
持貨唔耐，大約係11點40分，指數落到保歷加底線同時Slow STC(14.3)兩線都低於20落到超賣位，目標達成，(54381)亦都可以收網等放飯。
如同平時一樣用10分鐘時間去沽貨的話，期內(54381)高低位做過0.055元/0.05元，平均沽貨價為0.0525元，呢一趟平均執9格或20.69%。
所以呢，捉得啱市場方向固然係重要啦，但有時候一隻好同啱市嘅產品同樣都係咁重要嘅；如果到呢一刻你都仲有淡倉在手嘅話，午前指數同Slow STC(14.3)稍見觸底重新上返10線位，一陣下半場開市如果10線唔過而向下再落嘅話，底線都畫好咗比你啦！
作者阿珊，以技術分析專心玩輪證，唔貪心，努力賺取我家肥貓罐罐。
