昨日 13:49
今朝揀咗隻恒指牛(69408)同恒指Call(29828)，前者玩Day Trade；後者用周線。
先睇咗個Day Trade(69408)。以今朝Patreon出文時間為10點5分，如常用10分鐘嚟睇文的話，則於10點15分再睇返個走勢圖，坦白講Post緊文時都有喺作戰室講文都未出完又已經到晒食糊位，因為出文時指數已經撲向21500點，喺五分鐘圖上見21500點高位度仲要出埋「射擊之星」，真心唔出得好倉，還原基本步等返條Slow STC(14.3)回落到去超賣位見觸底上，或者指數踩住線位有支持先至好出。呢啲玩法，我諗睇得我文耐嘅你都識玩。
至於周線圖方面，真係要講多少少。周線圖上見1月14至17日當周恒指回落到150線位之後有支持，同步Slow STC(14.3)觸底上，作戰室中線好倉已經出，奈何之後嗰兩個星期見佢戀中軸唔上，正數先食之下上個星期指數放完假返嚟即搶高，今日再上暫時見指數已經上返去上年10月/11月畫到嘅量度線21348/21355四，兩者相差10點都無所以畫住先。
換保歷加通道亦見通道口今個星期返嚟見有拓闊，Slow STC(14.3)兩線仍然向住超買方向，目前%K線開始踩到入超買範圍(即80以上)，%D線未到嘅，不過，一旦指數仍然守住頂線同時通道口有見拓闊，咁就可以換上藍色嘅「上升金道」畫住上，22000點不是夢。
由於要借到周線圖出嚟玩中軸，所以揀咗隻無收回條款嘅Call出嚟，當然啦，見日線圖Slow STC(14.3)都上到超買位，挑入市位追呢個周線圖唔可以無風險，注碼上控制一下之餘， 日線圖都畫定下方量度線呀。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
