1月7日 13:09
今朝打緊文時都真係未見恒指變全紅嬋，所以轉場睇個股搵隻主力推冧恒指嘅騰訊(00700)出嚟，皆因五分鐘圖見佢已經借10線行緊個「圓頂」向下出嚟，同時揀定隻騰訊熊(60297)，希望出文後再睇完都仲有位可以食落去。
以今朝Patreon出文時間為10點34分，如同平時用10分鐘時間去睇文的話，則於10點34分再睇返騰訊個圖，見股價有同恒指一齊滑落去，但坦白講都真係有啲遲，唯有喺注碼上控制嘅同時，借10線博「圓頂」就Keep住借10線向下壓住啦。
如常用10分鐘時間去買貨嘅話，期內(60297)高低位做過0.082元/0.079元，平均買入價為0.0805元。
去到半場完場止，見騰訊股價喺五分鐘圖都keep住受制於10線，同步20線亦都有見向下壓過去，股價保持住處於保歷加下降通道運行，但小心保歷加通道口有見收窄，可以換一換用中軸Lock實隻(60297)，博午後股價唔過中軸，重新再向下落時Slow STC(14.3)推多一把，等(60297)有格仔走人。
至於作戰室嗰邊，見五分鐘圖有三粒燭都過唔到，所以小注淡倉掟出去，都真係無諗到呢注小注最後變大再變大，貪心到有戰友揸住少少過Lunch。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
