1月2日 14:51
點樣呀？2025年第一注頭彩攞咗未？作戰室就拎咗啦，多多少少都好，話迷信都好，年頭第一注取得正數都係開心嘅。
今朝Pick咗一Pair貨出嚟，分別係恒指熊(64817)同恒指牛(63193)，淡倉再去係見指數都仲有位再落，所以都盡力10點前出文；不過都比定隻好倉嘅原因係，方便計數就話出文後10分鐘睇圖啫，點知你真真正正睇到文嘅時侯係幾時先?!為免到你真係睇完之後，Slow STC(14.3)喺五分鐘圖出觸底，所以都揀定隻好倉出嚟比大家可以隨時Swing Trade用。
以今朝Patreon出文時間為9點49分，如常地用10分鐘時間睇文的話，即於9點59分再睇返個走勢圖，當時指數已經向下穿過19700點，Slow STC(14.3)兩線亦都已經見行緊超賣再超賣，淡倉再出壓過去，望一望下方牛熊證街貨圖，得返19700至19799點呢層叫做多少少嘅街貨未食，即係話數住嘅大約100點水位。
不過作戰室今朝都係吼呢個位再出第二次淡倉，如常用返10分鐘作為買貨時間的話，期內(64817)高低位做過0.072元/0.066元，平均買入價為0.069元。
去到10點20分，指數確認連19600點都穿埋，換言之上文數住嘅第二行重牛都被全數收回；同步喺陰陽燭圖上見「錘頭」，有轉向嘅意思，(64817)已經達標兼出埋走貨訊號。唔貪心見正數先取今年第一注頭彩嘅，一樣用返10分鐘時間走貨的話，期內高低位做過0.078元/0.069元，平均走貨價為0.0735元。呢一注平均先執4.5格或6.12%。
今朝篇文有揀定好倉架喎，見「錘頭」出當偷步可以，如常見埋Slow STC(14.3)確認出觸底兼喺10點40分後上破10線確認轉向後先做隻反手出好倉亦可。但可惜今朝揀隻(63193)太過貼價，收回價19950點，但出「錘頭」見嘅低位係19542點，13點之差(63193)已經被收回。
不過我相信大家都會搵到另一隻好倉嚟做呢一下嘅觸底回升。
Anyway，很傳統的諗法就係第一注正數先攞頭彩已經做到，雖然唔係好大啖嘅一注，但仍貫轍呢度嘅風格：寧願賺1蚊都唔想倒輸1蚊出去。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
