12月3日 13:45
今朝打文時未見指數有方向，作戰室都係等緊位，皆因今朝喺完U至開市前定好嘅策略係先等指數上到19600點近日頂線位之後，企唔穩嘅話就先去淡倉。不過喺今朝9點50分時已經等到，仲要出埋「平頂」，作戰室淡倉即開，並同樣地用返近日嘅底線19400點做目標，呢一Round完成之後，即見低位出「身懷六甲」向上抽，反手好倉又借返19600點做量度線，指數今日無令人失望，科教書式V彈完成後，上半場尾段見指數定住喺19600點樓上。
下半場指數會唔會破得到近日19400至19600點呢個區間魔咒未知，但肯定嘅係戰友們下半場已經可以Hea住玩。
不過，今朝喺文度無講到條恒指，見Patreon出文時間為10點5分都知係未見「平頂」之前，文已ready。所以繼續睇隻Pop Mart(09992)，仲揀定隻Call(29100)出嚟，以備不時之需。
策略大致上都係用返個小時圖，借10線企好後出動，大膽嘅博見「紅底」，正路玩法嘅如常有格就食。
小時圖上見Pop Mart股價今日比較大部分時間都貼住10線運行，當以今朝出文後至依家上半場完場前都仲守得住0線而出隻(29100)的話，按期內高低位做過0.265元/0.26元，平均買入為0.02625元。
觀乎之前股價於10線上都吽咗一段比較長嘅時間先至再忽然高走，有可能今次嘅情況都會類同，10線咬得住固然最好，見小時圖20線為90.96元Set嚟做量度線同依家1點8分報92.9元叫做有2.9元嘅緩衝位。
而換保歷加通道見仍然保持平衡中，Swing Ttade仲有條件出現，變相唯一問題在於條Slow STC(14.3)肯唔肯轉返上去。
呢注要守可能有難度，Paper Trade當作為長Hold練習亦不錯。都係嗰句：擔心Hold太耐有反效果嘅自己搵位閃；但習慣長Hold嘅，都要set好止蝕位。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
