11月27日 14:28
今朝揀咗隻恒指熊(61741)出嚟，計劃等小時圖中軸唔過，指數遇阻再向下行嘅先至出手。
已經盡早出文，喺Pateon今朝出文時間為9點58分，再如常的用10分鐘時間去睇文的話，即於10點8分再睇返個走勢圖，當時指數已經入咗牛證重貨區範圍19000至19099點，而(61741)目標亦都只係呢一層重牛街貨，因為指數擺位近重牛區嘛，換言之再博落去只係得50點水位，睇嚟再早出文都係捉唔到呢一注。
無嘢嘅，用返平時嘅Swing Trade方法的話，即係等Slow STC(14.3)上返去超買位時，出(61741)捉一趟向下嘅Swing。
等到大約11點鍾，Slow STC(14.3)兩線終於上到超買位，再等嘅係Slow STC(14.3)確認觸頂向下，呢個情況就大約喺1120分見到。
如同平時一樣，用10分鐘時間作為買(61741)嘅時間的話，按期內高低位做過0.049元/0.047元，平均買入價為0.048元。
落場後喺五分鐘圖上面順便見到指數出「射擊之星」，都係一個開出淡倉嘅訊號。不過指數落到10線，再到依家午後1點39分前有稍為過中軸，但就係條Slow STC(14.3)未見低走過中軸以下水平。
頭痕啦隻(61741)，依家1點40分見證價做緊0.044元，對比平均買入價低4格，還好嘅一個幅度，呢啲位真係Set定止位，如果指數喺稍後時間再落多次五分鐘圖中軸又未穿嘅話，輸少當贏好啦，反正呢近日嘅下半場都係橫行嘅居多。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
