11月22日 14:12
坦白講指數橫行咗都好一段時間，悶到老娘我要向個股埋手；我諗如果你咁俾面有追開呢個欄嘅話，應該十隻手指數得出年內寫過幾多次個股。
噚日捉咗隻NVDA Call之後，今朝再揀咗隻泡泡瑪特(09992)出嚟，皆因見日線「圓底」過頸線再上，同時保歷加通道口拓闊+五條平均線順序排列，屬中線利好訊號。
由於泡泡係無牛熊證嘅，Put都無，所以只能揀住隻泡瑪Call(28810)出嚟，Mark住可以稍等股價向下回一回先至落場，畢竟一來冷門二來chur得太高又無Put。
依家1點22分，經過指數今朝失心瘋向下倒落逾200點，依家進入第四層牛證區，入19200至19299點嘅範圍之後，POP MART股價亦由今朝高位86.9元回落到依家見84.1元，五分鐘圖Slow STC(14.3)出咗觸底，吼呢啲位入好倉沿用一貫做Swing嘅玩法，但只限即日。
不過，Keep住睇日線圖嘅話，隨時日高走係獲利盤唔過夜嘅時侯，有耐性重新等股價回落「圓底」頸線位或者10線嘅其實都可以，反正(28810)係隻Call，無收回風險；又反正冷門輪拎嚟做下Paper Trade亦都唔係壞事。
如果對冷門嘢無興趣的話，就如作戰室戰友們一樣，繼續追住條恒指先啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
