11月5日 13:29
今朝揀咗隻恒指牛(58104)出嚟，博指數今日小時圖有見保歷加通道口拓闊而追上；拆細嘅就借五分鐘圖見保歷加通道口拓闊，迫Slow STC(14.3)出超買再超買追上。
以今朝Patreon出文時間為10點12分，如常的用10分鐘時間去睇文的話，則於10點22分時再睇返個走勢圖，見指數同Slow STC(14.3)都係保持向上，不過，指數亦都開始出現上影線而且縮嘅速度都比較快，形態上已經有出現接近「射擊之星」形態，作戰室呢個時侯已經掟走好倉，同時做埋反手動作；而(58104)亦都可以稍等一下。
10點40分時見到指數向下回落到中軸水平，未幾見指數企好兼稍稍向上過10線，借線出好倉的話，以當見過10線出動(58104)，同樣用返10分鐘作為出貨時間，期內(58104)高低位做過0.05元/0.044元，平均買入價為0.047元。
喺11點15分打後見指數向上高走，Slow STC(14.3)同步亦見上行，15分鐘之後已經見日內新高，半場收20823點，隻(58104)半日收0.067元，點計都有正數。
下半場返嚟時見五分鐘圖嘅保歷加通道口仍然保持拓闊，10線亦都追到上20800點，借呢個位做(58104)嘅下方量度線無問題，反正抽到咁隨時出風箏注，先收成本由得佢放飛個人仲爽皮。
係嘅話就拉好條10線啦，小心Slow STC(14.3)兩線已經上到超買位，一旦保歷加通道口唔再拓闊的話，咁就有機會出現觸頂向下嘅情況，不利好倉。
作者阿珊，以技術分析專心玩輪證，唔貪心，努力賺取我家肥貓罐罐。
