昨日 13:38
今朝揀咗隻恒指牛(57590)出嚟，明知行得慢都真係唔應該借五分鐘圖10線企好咁進取嚟出呢注好倉。
以今朝Patreon出文時間10點13分，如常用10分鐘時間去睇文的話，則於10點23分再睇返個走勢圖，見指數企住喺10線但出「十字星」，都真係唔知呢個係咩玩法，反正呢一下都係由中軸啱啱chok返上去，等多陣當back test多一次條10線，即刻掰掰掰，(57590)慳返。
不過呢單嘢都無損失，皆因今朝指數大部分時間都係喺205XX點並以低波幅運行，五分鐘圖上見指數出「三角形」無限復活，去到上半場尾段時間仲要咬住中軸等放飯，Hold乜倉都瞓着。
就算用返平時借Slow STC(14.3)嘅超賣/超買位做Swing都搞唔掂，除咗開市時見到Slow STC(14.3)兩線處於超買位向下觸頂之外，到上半場完場，甚至依家下半場開咗，Slow STC(14.3)根本就再無入返去超買/超賣位置。
重新再睇返今日個五分鐘圖，10點半前都叫做有啲嘢玩，但依家指數行到去「三角形」尖尖嘅位置，隨時少少「突破」之後又再重新Loop過一個新嘅「三角形」出嚟；而且下半場往往比上半場嚟得更細嘅波幅...
無計，誠如今朝所講今個星期實在有太多嘢會發生，喺有咁多不明朗因素嘅情況之下，指數暫時似難有大動作。
可以點做？以不變應萬變，自問爬格仔速度好似作戰室戰友們咁嘅話，仍然以高槓桿證偷格仔可以嘅；否則今日就當係休息一下啦
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
