8月29日 13:43
今朝揀咗隻恒指熊(64601)出嚟，計劃係借指數擺低於50線以下嘅話，借埋條Slow STC(14.3)兩線向下落兼且睇下有無得再殺牛證街貨而出嘅。但都講到明喺出文嘅時候，五分鐘圖Slow STC(14.3)實在被質低得太低啦，忍到手嘅話，等五分鐘圖嘅Slow STC(14.3)鬆少少先至出動。
以今朝Patreon出文時間為10點30分，再用10分鐘作為睇文時間的話，即於10點40分再睇返個走勢圖，五分鐘圖上見當時Slow STC(14.3)仍然處於個位數嘅嚴重超賣狀態，仲未適合出隻(64601)。
比多五分鐘仲開始見Slow STC(14.3)出觸底，唯有忍手等Slow STC(14.3)上到超買見回先至比淡倉，將成個Swing Trade落場策略對返啱條路。
不過呢一等，就等到下半場依家嘅1點24分指數補咗今朝開市下跌裂口之餘，仲差啲跌轉升，Slow STC(14.3)兩線係重上返去80以上嘅超買範圍，不過未轉向下嘅同時，保歷加通道口仲拓闊緊呢！
作戰室今朝玩完淡倉之前，其實喺放飯前都Trade咗轉好倉，依家大家望住啲線佢企唔企到，企到隨時又「乒鈴嘭唥」咁開飯。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
