8月27日 14:03
今朝揀咗隻指牛(68133)出嚟，計劃借小時圖條10線，如果爬得返上去嘅話就出動。
打到隻稿嘅尾段差不多11點，準確10點51分喺Patreon出文，10分鐘如常時間去睇文之後，即於11點1分再睇返個市，見指數有踩返上10線以上，符合(68133)出場條件。
同樣的以10分鐘出(68133)，按期內高低位做過0.048元/0.046元，即平均買入價為0.047元。
落場後見見原來出場個位就應該係啱啱完咗上半場之後出嘅高位向下回緊嘅時侯，指數喺小時圖有開始離開10線；再換個五分鐘圖則見指數未到保歷加頂線已經向下回落，不過Slow STC(14.3)兩線就真係觸咗頂向下，呢一步有少少行差。
還好望望鐘見時間去到11點打後，通常都係指數慢活、保歷加通道收窄，兼且等放飯嘅時間，即限制住指數上落空間之下，等Slow STC(14.3)出觸底後，(68133)有望甩身。
終於見Slow STC(14.3)幫手推高一把，一棍打向上仲要過埋朝早個高位，喺1點20分時見Slow STC(14.3)兩線上返超買水平，小時圖更係爬返上10線啦，(68133)終於見到甩身位。
按期內(68133)高低位做過0.051元/0.048元計，呢一注平均走貨價為0.0495元，對比平均買入價的話，同噚日執到嘅有啲似，平均賺幅有2.5格或5.32%。
作戰室依家其實仲Keep住隻好倉，睇下可唔可以博到好似噚日咁嘅走勢，不過今日條路好似崎嶇啲，希望同佢哋一齊攬住隻好倉係無行錯路。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
