8月16日 14:18
今朝揀咗隻恒指熊(64590)出嚟，借佢有三十幾陪槓桿博做一趟Day Trade。
以今朝出文時間10點13分計，如同平時一樣用10點分鐘間去睇文嘅話，即於10點23分再睇返條走勢圖，其實指數已經過返之前嘅「平頂」位，即係再創日內新高，「平頂」Lock唔實，(64590)亦都無得出。
當然，可以用返五分鐘圖嚟做普通Swing Trade的話，喺大約11點，見Slow STC(14.3)兩線都觸頂向下離場超買範圍。呢個位出倉不論是好定還是淡，唯一要考慮嘅係保歷加通道口收窄中，過得到中軸再落得到保歷加通道底線嘅話，maybe得一兜燒賣嘅profit返到嚟。
Anyway，有出場條件出現就梗係照計，喺呢度無輸打贏要咁痴線嘅。
同平時一樣用10分鐘作為買貨時間的話，即於11點至11點10分出隻(64590)，期內高低位做過0.044元/0.04元，平均買入價為0.042元。
都講咗保歷加通道口收窄，所以之後指數亦使上/落好少，都好快兩步路就到保歷加頂/底線，中軸上來來往往更是「閒事」。直至午前見指數真係落到保歷加通道底線撞咗兩次都唔見通口拓闊，就應該知道一係被佢繼續夾住窄窄的通道過去，一係就Set好量度線以防萬一。
午後返嚟見指數喺保歷加底線踩好再後上，不過今次有少少穿過保歷加頂線，(64590)似乎都要起身。
以喺1點20分見指數穿過保歷加頂線計10分鐘走貨嘅話，以期內高低位計0.038元/0.035元計，平均走貨價為0.0365元，呢趟平均輸5.5格或13.1%。
今個月第一注肉厚啫，都唔好亂揈呀！下次見通道收窄就唔好玩啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
