8月8日 13:18
今朝揀咗隻恒指牛(65374)出嚟，只有一個出倉條件，就係要企到小時圖中軸先可以出倉。
以今朝出文時間10點33分，如同平時一樣用10分鐘時間去睇文嘅話，即於10點40分時再睇返個走勢圖，以當時小時圖中軸見16781點計，對比指數當時為16855點計，確認指數企高於中軸線以上，換言之(65374)可以出場。
同平時一樣用10分鐘出貨的話，按(65374)期內高低位見0.059元/0.048元，平均買入價為0.0535元。
落場後見指數一直上，過16900點時作戰室都有啲緊張，雖然噚日指數都有衝過16900點樓上，兼且迫近17000點，但可惜最後佢係企唔穩嘅。不過今日都總算吐氣揚眉，過16900點樓上兼仲企得穩，仲要衝住17000點添，半日高見17023點，但終於呢啲整點數關口位同埋第二個字頭轉，小心駛得萬年船，作戰室呢注好倉其實係見指數咬17000點邊皮唔上唔落嘅時侯已經先行收隊。
當然，你都見到咁嘅情況而率先走貨係絕對無問題，幫自己今日Lunch加幾蚊飲杯涼粉冰消下暑亦都未嘗不可；但如果仲有貨在手嘅。留意半日收市見低返17000點，先預料呢個位可能打一陣功防戰。又半場收市見五分鐘圖嘅保歷加通道口收窄，Swing Trade有條件發動之下，下方借住中軸做量度線係可以嘅。
今日早少少出【輪證下半Part】就係想話比大家知拉好五分鐘圖條中軸線啫。守得住嘅，放隻風箏出去，一來先守返成本，二來唔怕Miss咗有可能見過企穩17000點嘅走勢。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
