【輪證下半Part】恒指躺平爬格

今朝揀咗隻恒指熊(64698)出嚟，喺小時圖上面Set咗以低於粉紅色線嘅17455/1746點呢個位摺出去，博見到藍色線嘅17376賠左右。

以今日出文時間為10點26分，如常的用10分鐘時文去睇文的話，則於10點36分再睇返個走勢圖，見指數仍然處於粉紅色線以下水平，不過同17400點嘅邊皮位都好接近，講緊可能向下落多10點的話，咁17400點就應該會穿。

低於粉紅色線亦都等於(64698)可以落場，一貫造法用返10分鐘時間去買貨的話，(64698)期內高低位做過0.042元/0.039元，平均買入價為0.0405元。

落場後指數其實同橫行都真係無乜分別，坦白講作戰室戰室晨早出嘅淡倉都已經見磨得太耐，提早出現收割潮；唔緊要，有正數就得啦！

終於等到11點半左右，見指數確認失守17400點，變相今日首三層牛證街貨已經全數收回，今日去到依家1點18分時，阿市已經吞咗相當於2632張期指街貨，而17300至17399點變成最貼價街貨層。

咁啱，指數亦都落到小時圖藍線水平，亦即係(64698)摺位嘅目標價已經到咗。換言之(64698)亦都可以悄悄地離場。

都係同平時一樣用10分鐘作為走貨時間的話，按期內(64698)高低位做過0.045元/0.042元計，平均賣出價為0.0435元，呢一趟快摺快走平均執3格或7.41%。

睇返今朝指數除咗個裂口之外，其實指數同躺平都無乜分別，有格仔爬到都算係咁啦。

作者阿珊，以技術分析專心玩輪證，唔貪心，努力賺取我家肥貓罐罐。