7月5日 14:49
今朝揀咗隻恒指熊(62390)出嚟，貼少少借高少少槓桿，因為首站目標係以小時圖嘅20線，即「上升通道」底線返穿唔穿線先至好出啦。
以今朝出文時間10點17分，如常的用10分鐘去睇文嘅話，則於10點27分時再睇返個走勢圖。五分鐘圖上見當時保歷加通道口剛剛拓闊，指數出「大陰燭」向下之後Slow STC(14.3)兩線都向住超賣方向出發，(62390)掟出去的話，借保歷加通道口保持拓闊，然後再博Slow STC(14.3)兩線出到超賣再超賣，咁今日兜燒賣又有着落。
如同平時一樣，用10分鐘時間去買貨嘅話，即於10點30分起計10分鐘期間，(62390)高低位做過0.055元/0.049元，平均買入價為0.052元。
本以為今朝指數擺位近熊證街貨，取易捨難之下或會向上行殺熊，點都估唔到一個屈尾十向下走落去牛證街貨層，上半場見指數最低做過17804點，4點之差守住第一層牛證街貨。小時圖上更見唔止到咗原先設定嘅中軸/「上升通道」底線目標價，根本仲有多，兜燒賣仲可以加多10粒魚蛋。
用返平時守則去做嘅話，大約喺上半場11點半左右，五分鐘圖上見Slow STC(14.3)出現觸底，同步見保歷加通道口有收窄情況，喺Swing Trade出現嘅機率提升之下，(62390)亦可以見好就收，如常用10分鐘作為走貨時間的話，期內(62390)高低位做過0.061元/0.057元，即平均走貨價為0.059元。換言之，呢一小時嘅淡倉持貨平均執7格或13.46%。
依家其實已經2點26分，今日的確比較忙，忙在掛住睇緊日股，所以喺港日兩邊睇之下未能再分心打稿，But我諗今朝出淡倉嘅你，應該都同作戰室戰友一齊食咗and then Happy Firday!
作者阿珊，以技術分析專心玩輪證，唔貪心，努力賺取我家肥貓罐罐。
