5月28日 13:30
失驚無神地被殺入強少同前輩范巧嘅YT節目，雖然平時都有做開電台節目，不過電台節目都只係短短嘅一Part，同埋事前都有少少script寫定；但今朝全線「天才波」，講到1999，真係唔好意思。
睇返今朝揀咗隻恒指熊(59284)，以今朝出文時間為10點35分，如同平時一樣以10分鐘時間作為睇文時間的話，則於10點45分再睇返個走勢圖。
當時已經見到指數上過19000點之後無再向上爬，五分鐘圖上率見向下失10線。
再睇埋小時圖見指數高位同保歷加頂線相若，但因為開始低走嘅關係，所以開始見到上影線嘅出現。
(59284)借19000點+小時圖頂線遇阻而出的話，同樣地用返10分鐘作為出貨時間的話，期內(59284)高低位做過0.053元/0.052元，平均買入價為0.0525元。
期後指數稍為回升，但當見到保歷加通道口仲保持收窄嘅時侯，就知呢個Swing係「正常地運作中」，喺大約11點40分同11點45分見出爭兩點「平頂」，隨後指數向下回落。
嚟到依家1點14分，預咗指數行得慢嘅(基本上由11點打後開始都預指數開始會變樹懶)，但係唔緊要嘅，只要方向啱就得啦。
6分鐘之後指數升幅再收窄至升得11點，五分鐘圖Slow STC(14.3)兩線開始到超賣，睇嚟(59284)係時侯可以起身啦喎。
作者阿珊，以技術分析專心玩輪證，唔貪心，努力賺取我家肥貓罐罐。
