【輪證下半Part】淡倉大豐收

今朝揀咗隻恒指熊(58805)出嚟，已經拿拿聲出文，怕又一出文之後成個天變晒。

以今朝出文時間為9點44分(見到呢個出文時間都知我今日隻熊係幾有誠意啦)，如常的用10分鐘作為睇文時間，即於9點54分睇返當時恒指走勢，見指數剛失守19000點，同小時圖Mark住嘅第一個Check Point 18827至18835點都仲有一段距離，(58805)見仲有水位就先掉咗出去先。

同平時一樣用10分鐘作為買貨時間的話，即於9點55分至10點5分期間出隻(58805)，按當時(58805)高低位做過0.069元/0.057元計，平均買入價為0.063元。

落場後其實都唔駛等好耐，喺大約10點15分已經見到指數失守小時圖第一個Check Point位，(58805)目標為本，夠鐘起身。如同平時一樣用10分鐘時間走貨的話，即於10點15分至10點25分做快閃黨，期內(58805)高低位做過0.072元/0.065元，平均走貨價為0.0685元。講緊由買嘅第一刻至走貨最後一刻得半個鐘，已經平均執到5.5格或8.73%，雖然呢個數未可以count到喺【月度報告】有10%平均賺幅，但實際上，半小時執8.73%，唔通咁都仲唔夠？

多謝指數失守埋條18800點啦！戰友們今日都大豐收呀！

作者阿珊，以技術分析專心玩輪證，唔貪心，努力賺取我家肥貓罐罐。

下一篇：【輪證下半Part】周線見穿頭破腳

上一篇：麥格理: 金沙3連跌下試20天線支持留意購24389、沽22524

信報簡介｜服務條款｜私隱條款｜免責聲明｜廣告查詢｜加入信報｜聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見，本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前，投資者應考慮產品的特點、其本身的投資目標、可承受的風險程度及其他因素，並適當地尋求獨立的財務及專業意見。

信報財經新聞有限公司、香港交易所資訊服務有限公司、其控股公司及／或該等控股公司的任何附屬公司、或其資訊來源及／或其他第三方數據供應商均竭力提供準確而可靠的資料，但不能保證資料絕對無誤，且亦不會承擔因任何不準確或遺漏而引起的任何損失或損害的責任。