5月2日 12:47
今朝揀咗隻恒指牛(56490)出嚟，純綷見指數喺小時圖上踩得住10/20線所以出動，理想嘅保歷加通道口拓闊比位指數再上；偷位嘅就當去到保歷加頂線唔拓闊就爬下格仔算數。
以今朝出文時間10點14分，如常用10分鐘時間出文，即於10點24分再睇返個走勢圖，當時指數剛做完當時嘅Day High 17823點後於18000點附近見橫行，10線上緊去接住指數，雖然未掂到，但一如以往的硬出的話，則借返10線做量度線。
如常用返10分鐘作為買入時間的話，(56490)期內高低位0.058元/0.054元，平均買入價為0.056元。
坦白講今朝開市之後見指數企於五分鐘圖上50線向上高衝後，有諗定佢係會過18000點，但最終上到18200點樓上，即今日上半場高位18201點就真係無諗過，指數繼續向上殺熊證，首兩層夾埋有相當於2274張期指，當中包括咗重貨區，而18200至18299點，即依家最貼價嘅熊證，同埋第二層18300至18399點，呢兩層每層都有過千張期指街貨。熊證重貨真心明，因為大家見過18000點都不禁心裡面有個疑問：要唔要減磅先呢？
最後喺11點30分見指數失守10線，(56490)響起走貨警號嘅同時，講真有畏高症嘅話，趁機割菲菜有何不可？
同樣用返10分鐘作為走貨時間的話，(56490)期內高低位做過0.07元/0.063元，平均走貨價為0.0665元。
呢一趟平均執10.5格或18.75%，下半場睇唔睇都變得無乜所謂Lu。
作者阿珊，以技術分析專心玩輪證，唔貪心，努力賺取我家肥貓罐罐。
