4月19日 13:25
先睇咗隻喺Watch List裏面嘅SPDR金ETF(02840)。單位價格喺噚日其實都有跟住市落返去，最低見過1713元，同10線1707元爭6元，懶得等、勁心急同無耐性嘅話，就出隻S金Call(24063)。
借噚日S金挨近10線，就當全日都可以買，按(24063)噚日高位低0.238元/0.226元計，平均買入價為0.232元。
今朝嘅【輪證贏家】有講過，出文後如果你都有貨又睇完文嘅，都真係可以率先收割咗先，袋咗落袋先至係錢呀嘛！按今朝出文時間10點7分，如常用10分鐘圖睇文，即於10點17分時準備走隻(24063)，再同平時一樣用返10分鐘作為走貨時間的話，即於10點20分至10分30分走貨，期間(24063)做過0.26元，呢一趟過夜貨平均執28格或12.07%。
至於今日指數方面，喺呢度就無揀過任何貨，因為想專心處理咗隻(24063)先。不過戰友淡倉兩次出動已經可以Lunch加餸，我諗下半場佢哋又會返番去工作崗位再等收工。
下半場開市後見指數跌幅再收窄多少少。小時圖雖然未見平底，亦未見Slow STC(14.3)兩線出現觸底，但係保歷加通道已經變返做橫行+衡平。
喺1點6分見指數擺位高於早兩日小時圖底線，20線要望到嘅話，咁Slow STC(14.3)一定要出觸底，嗰啲啲Swing如果要博埋佢嘅話，可能要用高少少槓桿嘅證，如果唔係怕你唔夠時間；唯有喺注碼縮少少，以Balance返貼價證嘅風險。
恒指牛(69703)。收回價15870點，雖然收回價低於16000點，但同現價都只係爭310點左右架咋，所以槓桿有約43.74倍。依家1點11分，望一望五分鐘圖見Slow STC(14.3)兩線上到超買位&指數50線前見上影線，進取嘅等指數過到線之後再追可以；安全嘅用返Slow STC(14.3)做Swing好啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
