4月2日 13:34
今朝揀咗隻恒指牛(54262)出嚟，計劃等小時圖重上16939點樓上，博Slow STC(14.3)食埋嗰少少位去到超買水平就算。真係一啲都唔貪，仲有少少志在參與嘅感覺。
以今朝出文時間10點34分，如常的用10分鐘作為睇文時間的話，則於10點44分再睇返當時嘅走勢圖，見指數剛好踩住16939點呢個位附近，再比多少少時間就已經見向下稍回落到1691X點位置，又再比多五分鐘，爭一點「平底」於五分鐘圖出現兼指數重上16939點，(54262)摺位出動。
呢個位大約係10點55分。如常的由此起計10分鐘作為買入時間，即於11點5分期間入隻(54262)的話，期內高低位為0.049元/0.041元，即平均買入價為0.045元。
嘿，落場期間撞正指數日內第二次挑戰17000點，本以為佢都會上到嘅，不過以暫時高位見17007點，就知暫時都係無以為繼啦。
其後指數以低波幅速度運行到依家1點21分，係呀，下半場都開咗一段時間，指數升幅略見收窄至低於400點，而暫時指數喺五分鐘圖上仲夾住個大約100點高度嘅「長方形」運行。
雖然Slow STC(14.3)兩線係處於超賣範圍，而且喺1點24分呢一刻都仲未見保歷加通道口喺五分鐘圖上有拓闊情況，望就望佢可以喺底線位出觸底兜返上去，再搵個exit位出嚟走隻(54262)；磨得太耐都真係唔係好事。
BTW，下個星期一重新於新城財經台下午做節目，簡單啲做返一part仔嘢先啫，放心，姨姨身體仲頂得住嘅。
作者阿珊，以技術分析專心玩輪證，唔貪心，努力賺取我家肥貓罐罐。
