3月28日 13:36
今朝喺呢度無揀到任何貨出嚟，事關諗住等小時圖「圓頂」向下之後生出嚟條頸線接唔接得住指數，本以為呢一等要等到11點打後，甚至係下半場先至會見到，但喺今朝10點20分，見指數已經企好底線之餘，仲上破咗今早畫定嘅量度頂線16450點，等咗成個半個鐘有多終於都有位出倉，戰友們一齊出好倉應市，至今個上半場結束前大家都紛紛收割，嘆個靚午餐。
下半場開市之後，真心估唔到指數仲有得再去，依家1點13分，高位見過16725點後出爭兩點「平頂」，戰友們都等緊指數回落五分鐘圖10線後企唔企得穩。
再睇睇小時圖，下半場返嚟見指數重新企上五條主要平均線之上，有似「W」形態，頸線成形都係睇過定唔過啫；惟同時亦見保歷加通道口拓闊，Slow STC(14.3)兩線未到超買位，偷埋嗰少少位嘅話又無話唔得嘅，同戰友們嘅心態都係一樣啫。
企到五分鐘圖10線的話，恒指牛(51848)，收回價16300點，同現價有約360點距離，槓桿37.02倍；萬一跣腳嘅，恒指熊(52789)，收回價17048點，同現價有約387點距離，桿有約37.02倍。兩隻都係即日貨。
如果你諗住用無收回機制嘅窩輪做坐貨過假期部署的話，留意即使港股休市，但輪嘅時間値損耗仍然生效中，換言之，如果你係打算坐輪過四日假期的話，咁你就要預咗係比四時嘅間値出嚟損耗，都係成本嚟架；同步為減低呢個成本嘅付出，揀嘅時侯唔該睇下個到期日，揀一啲中期少少嘅輪，以低間値損耗嚟減低你嘅成本，明唔明呀？
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容【開市前速報】，七日免費試用：https://www.patreon.com/join/cbbcwar
