3月27日 14:51
今朝揀咗恒指熊(53368)同埋恒指牛(51777)出嚟做兩手準備，皆因見小時圖保歷加通道口保持收窄，指數上落都受限制之下，索性用返個五分鐘圖去做Swing Trade。
以今朝出文時間10點22分計，如常的用返10分鐘作為睇文時間的話，則於10點32分再睇返個走勢圖。喺五分鐘圖上見指數剛剛過到中軸線樓上，過中軸理應好倉比出，但同步留意到Slow STC(14.3)兩線已經超到超買範圍，不過保歷加通道口當時唔係拓闊，亦都唔係橫行，係收窄緊添，咁即係話指數嘅活動範圍係受制於保歷加通道口收窄影響緊，所以呢個位唔係追好倉嘅位置，反而要留意嘅係指數會唔會被Slow STC(14.3)出觸頂而搶返落去，準備行出轉勢Swing。
等多10分鐘左右，雖然指數未見有「平頂」出現，不過技術上補咗今朝嘅下跌裂口之後就無以為繼，同步亦見Slow STC(14.3)兩線出觸頂向下，保持做Swing策略的話，(53368)可以出場。
如常的用返10分鐘作為出場時間，借Slow STC(14.3)於10點45分起計向下回落，期內(
)高低位做過0.036元/0.03元，平均買入價為0.033元。
既然借得Slow STC(14.3)做得Swing嘅，咁就乖乖地等返條Slow STC(14.3)向下落返去超賣水平啦。
依家1點31分，咁晏都未打完隻稿係因為同戰友一齊一邊揸住隻淡倉，一邊對住個慢落嘅市吹水，依家見Slow STC(14.3)兩線其實都落到20初段嘅位置，坦白講如果有嘢做唔想被個市困住嘅，呢啲位食隻(53368)都真係無乜問題，反正都已經正數，係咪先；開始諗住時間換格仔的話(其實已經係換緊)，咁用返五分鐘圖10線作為上方度量線啦；一個唔該咁好彩去到收市前都唔見指數上破10線的話，唔過夜就喺收市前走人啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容【開市前速報】，七日免費試用：https://www.patreon.com/join/cbbcwar
