3月18日 13:57
今朝喺呢度無出過任何倉，貨亦都無揀到；唔好以為同戰友們玩得不亦樂乎，其實大家今朝都係你眼望我眼咁滯，睇返今朝恒指高低位差160點，日線圖見指數企住喺10/20/100線之上，同步「上升通道」都仲Keep得到嘅，爭在Slow STC(14.3)未轉勢向返上。
而睇返今日五分鐘圖恒指走勢，比較大部份嘅時間指數都係程上，而臨喺上半場完場前10分鐘，無啦啦出支「大陰燭」將指數推返向下，還好有條50線接一接指數，所以依家下半場開返市，喺1點3分打後見指數著返綠燈，只不過點數上都仲係未有好大變化。
如今朝所講，恒指或甚呢地球嘅指數都可能捱到最快星期四先至有，或者敢移動，事關今個星期為超級議息週。先有明日BOJ同RBA議息，接力到FOMC meeting，最後星期四就有BOE，呢個陣勢，邊個放低$1落去就同賭大細無分別，而跟機話...
又咁講，唔計所有因素，純用技術分析去計數的話，坦白講係幾睇中指數於日線圖上企於三線之上，心底裡其實係傾向好倉嘅。
重申，心底裡啫，即係暗戀，一日唔表白，一日都仲係朋友關係唔過界嘅，唔過界就無傷害，好無？(下半場開市到依家25分鐘，上上落落咗都唔知有幾多次)
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
