1月9日 14:10
恒指今日終於都見綠燈，雖然今朝度過指數目前係處於技術分析 VS 街貨嘅格局，但的確比較傾向係出好倉，除咗係睇中咗小時圖Slow STC(14.3)觸底可以推得返指數高啲位之外，喺未見有咩重大利好消息， 足以令大環境出現轉勢之下，一堆陰燭之中都總需要啲陽燭幫手回一回氣，就好似唔悄悄地加價先嚟減價嘅話，好傷架。
今朝揀咗隻恒指牛(62777)，以今朝出文時間再On top加10分鐘作為睇文時間，即10點16分再睇返個市，當時指數仍然企於小時圖10線之上，換言之(62777)符合到出現條件，如常的用10分鐘作為落場時間，按期內(62777)高低位做過0.058元/0.048元，平均買入價為0.053元。
剛好，落場後睇返指數五分鐘圖上到去150線，如果連呢條線都上得過嘅話，咁即係小時圖20線有望可以收復埋。惜事與願遺，指數唔過150線之餘，仲要喺呢個位出「平頂」，同步亦觸發Slow STC(14.3)向下回落。最終於10點50分時見指數失守五分鐘圖10線，呢個位先斬走隻(62777)非常合理，亦都係一貫嘅做法。以此起計10分鐘作為敗走時間的話，期內(62777)高低位做過0.054元/0.046元，平均走佬價為0.05元，呢一趟平均揈走咗3格或5.66%，我家肥貓今個月先扣減一條貓條。
其實今朝同步都有比定隻恒指熊(65559)，若然如常的用Slow STC(14.3)作Swing trade嘅話，咁喺五分鐘圖上遇150線+「平頂」+Slow STC(14.3)觸頂而出動隻(65559)反手追落係可以架，戰友們都係咁玩。不過呢一注唔Mark啦，因為當初一開始都無Mark到隻淡倉嘅玩法，只係睇開呢個欄嘅戰友，識得玩Swing嘅都會咁做啫。
而如果嗰注好倉死咬小時圖10線的話，嚟到依家下半場1點10分，小時圖上見指數仍然處於10線之上，技術上係無錯嘅，不過，留意返指數同10線嘅形態係齊齊向下，隨時指數踩住10線一齊向下落返去底線水平，咁你話踩住條10線嘅義意又係邊呢？
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試：https://www.patreon.com/join/cbbcwar
