12月11日 13:51
今日恒指都算精彩，低開後稍為掂過半日高位16202點之後再屢創年內新低，16000點一度失守後，似乎大家都睇住15900至15999點嗰過千張期指街貨，將呢一層細拆以50點為一層街貨去睇的話，九成街貨集中於15000至15049點呢個部份。
今朝Mark過兩個位，分別喺上年11月上升裂口低部16138點，同埋以月線圖借2008年低位10676點，同恒指歷史高位33484點嚟拉一個黃金比率，最後一根稻草嘅10658點。依家乜都無晒架啦，怕且要重新再拉多次黃金比率先至可以再借下一個量度線。
睇返今朝揀嘅恒指熊(62191)，仍然10點未到拿拿聲掉份稿出嚟，希望大家可以搵得到Day Trade入淡倉嘅位。以今朝出文時間為9點55分，如常的用10分鐘作為睇文時間的話，即10點5分再睇返恒指走勢圖，五分鐘圖見Slow STC(14,3)保持下行，如果上面用返對上一個低位16157拉線的話都仲可以，因為當時10線仍然高於量度線，以最近嘅線為準，指數未過，Slow STC(14,3)亦下行中，(62191)出動博16000點穿再向下望重貨牛。
以10點5分起計如常用10分鐘，即10點5分至10點15分作為買入(62191)嘅時間，期內高低位做過0.052元/0.046元，平均買入價為0.049元。
如常的下方無set到目標價，自己數住格仔係可以；或者用返最近嘅線做量度線亦都得。而其實到落場後即10點15分打後，條10線已經低過借返嚟嘅16157點，所以由嗰時開始就已經可以換上10線作為量度線。去到11點30分已經見到五分鐘圖上保歷加口出現收窄好一段時間，即指數同Slow STC(14.3)出現觸底嘅機會又大返，同步呢個位亦見指數重上10線以上水平，嚴守策略下指數過線亦需要走貨。按11點30分起計見過線走(62191)，如常的用10分鐘作為走貨時間嘅話，即於11點30分至11點40分期間掉走隻(62191)，期內高低位做過0.058元/0.056元，平均走貨價為0.057元，呢一趟用咗一個鐘頭多少少，平均執8格或16.33%。
例牌下半場保歷加通道口慢慢收窄中，依家1點11分仍見指數喺16000點呢個位咬到橫行，睇嚟今日指數隨時都企住喺呢個位等運到，反正都正數，有時間又畫下線。
再以月線圖+黃金比率拉個新嘅走勢圖出嚟，未到去咁悲觀要見2008年10月低位10676咁痴線嘅，不過上年10月低位14597點都mark住先都好似有啲離譜，而呢個位同借2003年底位+恒指歷史高位拉出嚟嘅黃金比率，都總算高於0.236嘅14267點。
但真係唔好咁痴線住，依家先打緊16000點攻防戰，睇下佢點打法先啦。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
