12月4日 13:14
恒指今朝先開升88點後，一如以往的無以為繼，指數向下已經數不清日內創咗幾多次新低，的確開淡倉開到有啲麻目，但仍然要時刻提醒自己，千祈千祈唔好對開淡倉麻目，因為狼總有一日係會嚟嘅。
今朝揀咗隻恒指熊(61542)出嚟，以小時圖10線作量度線，等睇下一個新年內低位去到邊，但個市真係好似無底洞咁。你以為今朝開市無耐出嘅16824點新低，10點半未到連環再創，去到11點25分見低位16740點，都仲夠，午前16713點先至係上半場低位。
以今朝出文時間10點18分起，如常用10分鐘作為睇文時間的話，即10點28分再睇返個市，指數仍然處於小時圖10線以下水平，再如常的用10分鐘時圖作為入(61542)的話，以10點30分至10點40分期間，(61542)高低位做過0.052元/0.046元，平均買入價為0.049元。
落場後又係無Set目標價，如常的見好就收係可以；再如常的見指數喺五分鐘圖上破10線或20線走人亦可，始終指數重上保歷加中軸以上，即入返保歷加上升通道裡面的話，對淡倉實屬不利。
喺下半場返嚟見約1點15分，指數上破10線，Slow STC(14.3)兩線亦開始見觸底走勢，比較麻煩嘅係整條保歷加通道由今朝向下嘅，慢慢轉向橫行，(61542)亦係時侯要起身。以1點15分起計見指數過10線後10分鐘作為走貨時間，(61542)高低位做過0.056元 /0.054元，平均走貨價見0.055元，呢一趟平均賺幅為6格或12.24%。
走貨後指數又忽然抽高，不過於五分鐘圖上有50線暫時擋路，會否重演上星期五(12月1日)指數忽然午後創日內新高後再以Day Low收市？唔知，但肯定嘅係今日正數落袋先。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
