11月27日 13:39
恒指今日即開即低走，半日高位17677點，呢口價亦係今朝嘅開市價，指數向下連環將兩層牛證街貨全數收回合共收返相當於2060張期指街貨，阿市唔止飽，應該仲有啲滯。如常的喺大約11點打後見五分鐘圖保歷加通道口開始收窄，嚟到下半場開市時更見保歷加頂至底線高度得返57點，即使見Slow STC(14,3)同指數已經出現咗觸底走勢，反手出好倉亦要睇緊少少。
今朝攔咗隻恒指熊(60412)出嚟，以今日出文時間為10點26分計，如常的用10分鐘作為睇文時間，即10點36分再睇返個市，剛好靠近10線水平，同步呢個位亦剛好失守17400點，唔過線出倉以作進取淡倉注的話，按10點35分起計以10分鐘作為買入時間計，期內(60412)高低位做過0.047元/0.046元，平均買入價為0.0465元。
的確係想博埋17300點呢層有900幾張期指街貨嘅牛都會被收回，不過，呢一注出場後同步亦見五分鐘圖保歷加通道口開始收窄，指數亦變得只係低位徘徊。睇開分鐘圖都預到當保歷加通道口完成收窄後，指數同Slow STC(14,3)夾夾下係有機會向上抽返上去。去到11點20分左右，見指數半場第三次唔過10線，兼且頂咗一陣之後再向下落多一級仔，(60412)望望證都最高上到0.05元水平。臨完上半場前最後10分鐘見指數就係被夾返上10線以上，開始見到指數同Slow STC(14,3)兩線受保歷加通道口收窄完之後出嘅觸底影響，對淡倉亦不利，本身唔過10線出淡倉，依家就見過10線於是60412)亦係時侯瓔起身。
以11點50分見指數上返10線而走貨，如常用返10分鐘作為走貨時間，期內證價高低位做過0.05元/0.049元，平均走貨價為0.0495元，呢一注用咗大約1個鐘頭多少少時間平均爬到三格或6.45%，一罐貓罐袋咗先。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
