11月23日 13:42
恒指今日低開54點，開市報17680點之後，低見17577點，跌幅一度擴大至157點，先將第一層牛證17600至17699點全數收回。喺於五分鐘圖上低位出現「破腳穿頭」後，指數跌幅亦見收窄，半日高位17723點，僅跌11點，唯半場仍不敵小時圖10線阻力，半日收市報17669點，跌64點。
上半場無揀到貨出場，Mark住嘅喺10點時大約以五分鐘圖上出現嘅第一支燭嘅高位所拉出嚟嘅量度線，其實指數上破，好倉比出問題唔大，只係本以為指數可以順住Slow STC(14,3)向上Swing返上保歷加通道頂線，無奈100線阻繞，經過4支燭都未見指數成功上破，好倉亦要適時退場。
喺呢條稿通常用小時圖嚟量度出貨，相信會比較捉得好，事關上文要時間，睇文更要時間，完晒呢兩件事之後，五分鐘圖隨時可以變天。
小時圖上見Slow STC(14,3)兩線已經回落到超賣位水平，的確惹人出好倉博觸底反彈。但如前文所指，10線阻力甚強，即使喺10點至11點期間指數有苦苦爭扎過，但亦徒勞無功。
下半場開市後見指數喺小時圖確認低走於50線，而五分鐘圖上亦見指數受制於中軸位再見向下，保歷加通道口拓闊，恒指熊(60257)，收回價18028點，同現價有約350點做Day Trade好啦，槓桿有約46.5倍夠做架啦，過線小注出動博指數隨保歷加通道口拓闊向下落，小心嘅係Slow STC(14,3)依家都開始靠近超賣水平。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
