11月13日 13:36
恒指今朝雖然算是開升59點叫做好返啲，不過見開市後首五分鐘連五分鐘圖嘅100線都唔過，再加上呢個水平亦都係同小時圖10線差不多，都開始估到指數都係無得再上，於是計劃恒指熊(58904)借一借小時圖唔過10線向下而出手。
今日10點後見指數於小時圖上仍然低走於10線，於是出動隻(58904)，以10點10分確認指數被10線擋路後起計如常用10分鐘作為買貨時間的話，期內(58904)高低位做過0.045元/0.041元，即平均買入價為0.043元。
呢一注雖然無Set到目標係幾多，而如常用返Slow STC(14,3)作Swing一趟的話，即Slow STC(14,3)兩線落返去超賣當作目標嚟講，半場未完已經見到收割位，就係喺11點至11點25分呢段時間，借Slow STC(14,3)兩線落到超賣至嚴重超賣走隻(58904)當Swing Trade一趟收工的話，期內(58904)高低位做過0.053元0.05元，即平均沽貨價為0.0515元。呢一趟一個鐘頭左右速食8.5格或19.77%。小時圖拉出嚟嘅底線喺下半場穿唔穿，嘿，好似可以唔關我事啦。
嚟到依家1點5分，下半場開市後指數於五分鐘圖見受制於中軸水平，再來(58904)唔係唔得，不過要小心保歷加通道口有收窄情況，有可能會限制住指數再向下行嘅空間。 再來淡倉的話先借上半場出嘅「平底」位17126點作第一站目標，過線後而保歷加通道口有拓闊的話，淡倉再hold向下再爬落去都仲可以。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
