2026年4月16日
美伊據報原則上同意延長停火，市場正望觀休戰協議詳情之際，特朗普則表示戰事快將完結，帶動美股再升，不過傳統工業股走軟，拖累道指下跌，但標指及納指則盤中再破頂，分別高見7026及24026，兩者並貼近全日高位收市，創下收市新高。道指收市跌72點或0.15%，報48463；標指升55點或0.8%，報7022；納指升376點或1.59%，報24016。
重磅股Tesla表現亮眼，Tesla跟SpaceX合資企業Terafab正以雷霆之勢切入先進半導體製造領域，陀手馬斯克對呢個晶片製造計劃野心勃勃，總規模預計高達200億美元，旨在為Robotaxi、Optimus人形機器人、AI及太空數據中心量身打造專屬晶片。不過股價逼近400美元應該差唔多，有貨嘅可以隨時起筷。ONDS終於上返雙位數，ALAB、CRWV仲有之前提到嘅NBIS穩步上揚，不過短線個納指都開始超買，可以考慮將手上嘅貨減返三分一套利。
至於NQ愈升愈有，噚晚再創歷史及收市新高，今早喺亞洲時段進一步升破26400水平，話就話唔估頂，但連續升咗12個交易日，都係時候抖抖氣。即使唔預佢大幅回調，但高位整固，現價再追好倉值博率唔高。今晚NQ好淡分水嶺喺26350，以為26300會有阻力，結果輕易升破，短線睇返26250/26150/26050做支持，26000-26100呢啲前阻力，又搖身一變成支持位，而25800-25900支持力度更大。上方阻力26450/26550-26600，其實估頂無乜意思，只係短線超買，就等回調先再算，有膽量做淡，真係要好嚴格執行止蝕，否則隨時又被挾爆。
投資者憧憬美伊快將重啟談判，雖然昨日二萬六關得而復失，未能企穩50日線及100日線。不過美伊據報原則上同意延長停火，市場正望觀休戰協議詳情之際，特朗普則表示戰事快將完結，帶動美股再升，不過傳統工業股走軟，拖累道指下跌，但標指及納指則盤中再破頂，分別高見7026及24026，兩者並貼近全日高位收市，創下收市新高。帶動港股夜期及ADR回升，兩者均重上26000水平，今早黑期於26100水平之上徘徊，今早恒指高開175點，半日最多升372點見26320高位，午市報收26306，升359點或1.38%。不過半日成交只有1297億元，似乎唔多配合升勢，反映投資者態度仍不積極。雖然恒指已由3月低位累計回升1800點，但相對美股兩大指數再創新高，港股表現仍落後，能否追落後，要視乎資金是否配合，暫時資金面上，未見再有大量新資金流入，但只要外圍穩步向上，港股亦能拾級而上。
恒指今日已成功企穩50及100日線，兩線分別下移至26037及26087，而5日線正向上移至25938，如能守50及100日線超過三個交易日，喺早前5日線已升穿10日線及20日線情況下，如稍後5日線能進一步升穿50日及100日線，再發出黃金交叉，並重返大型頭肩頂頸線26300之上，料港股有望進一步挑戰27000水平。短期料恒指於25900-25950有初步支持，下一支持為25750至25800即10周線水平，而10日線25650支持力度更大。初步阻力為26500；下一阻力為26800。
麥狄文
(徐狄怡‧證監會持牌人)
