2025年12月30日
臨近年底，人人放假外遊「收爐」，財經新聞平平無奇。不過兩任財政司司長卻在此時此刻隔空「暗戰」，為普羅大眾準備了一些花生。
話說「現屆財爺」陳茂波日前發網誌，總結香港過去一年的經濟表現，股市上揚，經濟持續增長，自然歸功於己兼大書特書：估計本港今年經濟增長將加速至3.2%，略高於年初時的預測；恒指較去年底升約29%，以升幅計將是自2017年以來表現最好的年份。現屆財爺展望明年，預期本港經濟可望保持良好勢頭。
不過，「前任財爺」曾俊華卻在個人專頁中發文，與「波叔」大唱反調，直指「我諗未來一年要走嘅路，仍然會係相當難行」，認為地緣政治或會迅速變化，「隨時都會對香港經濟社會造成好大嘅衝擊」。
其後他更意有所指，「喺前景咁唔明朗嘅情況之下，有時仲聽到啲出奇地『樂觀』嘅言論，話今年香港金融市場點亮麗，新股市場點暢旺，但係我個人可能比較保守審慎喇，當我睇到近日有4隻新股喺上市掛牌日，全部跌穿招股價，跌幅仲係一啲都唔細，我就不期然皺一皺眉，點解會出現咁嘅情況呢？係咪有啲工夫做得疏忽，或者做得唔夠呢？」
(節錄)
寧思雋 思家投資
原文請閱今日信報
