2025年7月22日
領展(00823)在傳出裁員消息、外界批評公司高層仍坐享高額薪酬之際，宣布集團行政總裁王國龍將於明年6月底退休，令人揣測或因事件而要辭職，亦有不少人戲稱王國龍已經賺夠。王國龍出席股東會後見傳媒時多次哽咽拭淚，仿似受委屈及非自願退任，他解釋，「感觸係同啲同事奮鬥咗咁耐，做咗咁多嘢，唔捨得佢哋，希望佢哋可以有人繼續做得更加好。」
王國龍表示，領展最初管理屋村商場，股東會多數要先用半小時應對示威者，現時半小時便已開完會，而品牌評估非常正面、資產規模上升、社區價值增長等，都是團隊的成果，故感到不捨。
他續稱，翻新街市後，租客生意改善，例如見證一位樂富物業租客的兩名兒子現已升讀大學，「依啲改變係好大」；「領展物業組合上市時，係俾房委會、俾市民、租戶遺棄，但後來真係提升咗，幫到好多人，希望領展可以繼續支持、繼續做好，係香港成功故事，喺今日大家咁負面時，希望可以睇翻香港其實有好多好嘢。」
王國龍透露，作為管治好的公司，由他出任行政總裁開始，董事會每年都考慮行政總裁任命、持續在內部及外部甄選新人選，並非一朝一夕的事。
對於裁員消息，王國龍稱，人手調配方面有很多艱難決定，2023年初供股也有很多意見，但今天有強健財政狀況，所以希望是次重整架構後，可以令市場環境轉好時有最好的團隊準備下一個增長，「大家如果有種花都知道，耐唔中都要剪下啲葉，棵樹先會成長得更加好，唔使太過緊張；過程中會尊重離職的同事，對佢哋影響唔少。」
下一篇：滙豐流動理財推新功能增強服務
