2022年2月16日
烏俄兩國嘅局勢成為近日話題，都係嗰句，打真軍成本真係好高，喺現今嘅世代真係好少會咁做，所以噚日有消息話部份烏克蘭邊境嘅俄軍返基地，都真係預咗，只係無諗過咁快就收皮。又因為烏俄局勢有放緩情況，所以隔晚美股升成00幾點，今朝港股都升200幾點，但金同油就應聲下跌，之前喺電台推嘅SPDR金ETF(02840)都要先走為敬(講明呢次落注都係純綷趁火打劫)。
而本以為恒指日線生三線匯聚之後會向住肥牛嗰邊向下落，於是噚日下半場都揀定隻恒指Put(13956)出嚟，以日線圖嚟做呢趟Trade，失三線匯聚位為入市位嚟計，按噚日20、50同100天線嘅水平量度返嘅話，指數大約喺11點55分打後已經失去三線匯聚水平，由此起計15個交易分鐘時間入市的話，(13956)高低位期間做過0.207元/0.196元，平均買入價為0.2015元。
誠如上文所指，就係因為俄軍返入個基地符股市同商品市場嘅走勢相反晒，今日恒指開市報24608點，日線圖上已經見指數重返三線匯聚水平之上，所以開市後點都要拿拿聲走，就以今朝9點30分開市起計15分鐘內走貨的話，(13956)高低位做過0.185元/0.182元，平均走佬價為0.1835元，呢一趟平均損手8.93%，算是執身彩掛。
依家10點23分，恒指高位開市後稍稍向下回，貪心鬼偷咗呢段時間快手執隻淡倉的話，應該都要一早換返好倉，日線水圖唔單止攞返個三線匯聚位之餘，小時圖都爬返上20小時線，即上返去保歷加上升通道，同時Slow STC(14,3)兩線勢頭呈上。
恒指Call(22047)，行使價24800點，同現價有約00.5%價外，唔會咁顛即刻出嘅，反正開始Feel到自己呢兩日有啲黑氣，都係等返Slow STC(14,3)兩線喺五分鐘圖上見到回落到超賣水平時先至進場。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
