2022年1月27日
噚日隻恒指Put(13090)同滙控(00005)Put(22160)先後都觸及到之前Set好咗嘅止蝕位，前者都有啲肉食，而後者還好有之前第一注嘅滙豐Put(22014)，所以拉上補下都無事發生(呢獲嘢都係衰貪心，所以到最後真係無事發生過咁，當發咗場夢啦))。
時近年尾，噚日做完晒啲嘢之後同我家老爺兩個落樓下超市掃貨，一來諗住平日呢啲C9時間會少啲人，二來樓下超市最近啱啱裝修完，諗住去八掛下，誰不知大家街坊諗嘅嘢應該差唔多，大家都可能以為平日無人，所以就呢啲時間落樓，其實咪又係咁多人，速戰速決之後返上樓，打開信窗見到舊同事寄咗嘢比我，哦，原來係GS寄咗利是封去我舊公司，同事再寄返嚟沘我，多謝Gary。
至於噚日揀咗隻恒指Put(25180)出嚟，其實恒指喺噚日成個下半場，五分鐘圖上條Slow STC(14,3)都未見過上到80以上嘅超買位，最多都真係兩條線剛好踩住80呢個位之後又再回過，所以今日就唔知唔見咗幾多罐罐罐啦，恒指開市跌逾300點之後，失24000點，先係無咗第一層牛證街貨；到正式開市之後首五分鐘，連第二層牛證街貨23900至23999點都無埋，呢度已經有相當於1038張期指，而目前最貼價嘅23800至23899點同埋23700至27399點，每層都有過千張期指街貨喺度，噚日話嘅肥牛，就係呢兩層啦。見恒指五分鐘圖開市向下兼保歷加通道口拓闊再兼Slow STC(14,3)兩線啱啱先至喺高位回落，都已經喺作戰室同戰友們講定聲有淡倉喺手嘅坐穩；無的話真係點都搶隻返嚟，因為咁近兩層過千張期指重牛，點都會殺。
話口未完，依家9點42分，恒指暫時做過低位23790點，連23800至23899點嘅牛證都死埋，計埋呢度嗰1245張期指的話，呢度total殺咗2283張期指。「你噚日隻Put止得好慘」係...我知啦，又咁講，邊有可能次次都食到咁盡先得架。
「既然依家指數向下靠近返牛證，咁用返噚日隻(25180)囉」唔得呀，隻(25180)價內咗啦，恒指熊(55102)，收回價24500點，同現價有逾660點差距，為市場第二貼價熊證之中，換股比率10000、槓桿有逾27倍，即日DT都夠用，等唔切五分鐘圖Slow STC(14,3)上返超買的話，就進取啲，博指數上到50分鐘線(五分鐘圖10線)遇阻就落場。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
