2021年8月16日
今個星期啲業績又嚟到另一個高峰，事關輪到騰訊(00700)派成績表，騰訊將會喺星期三(8月18日)公布，估計應該一如以往收市後先至公布，然後又一眾行家喺收市之後上港交所(00388)披露易狂reload page。
恒指開市，跌幅唔多得23點，不過由於喺五分鐘圖見恒指Slow STC(14,3)勢頭下行關係，動作快嘅都可以出一轉淡倉爬格仔，只係今朝留意到當恒指下行時，DMI嘅ADX同步都見有下行嘅情況，即反映今朝早下行呢一下隨時都只係un一 un，未絨(大約係9點43分到)指數再彈反上去，「10零分鐘可以做到一轉？」真係可以，我哋聊天室一位舊戰友快到你唔信，唔貪心每朝爬格仔一轉，儲埋一個月成績都不知幾禾味。
依家9點51分，見恒指五分鐘圖Chok上Chok落，換保歷加通道就會發現由於今朝恒指開市點數唔係大嘅關係，所以保歷加通道口仍然Keep住未見拓闊，指數落一落到保歷加通道底之後又再次向上，但不消兩個會合指數已經上到保歷加通道頂部，唯一有少少提示嘅就只有整條保歷加通道都係呈上，而Slow STC(14,3)由今朝見處於嚴重超買水平，回落到中軸位後又再見返%K線上破返%D線；指數難追又嘗試向個股出發，反正業績期隨時有資金走入個股都唔奇。
今朝一邊睇住恒指嘅時侯，一邊嘗試去搵其他個股，終於搵到一隻今日將會公布業績嘅舜宇光學(02382)出嚟，事關見到佢嘅時侯，其五分鐘圖今朝已經出現一支「大陰燭」向下插，同步Sklow STC(14,3)落到底，於是就喺聊天室揀定出嚟，順手捉埋隻牛證，不過由於我大意，斷咗片唔記得咗發行商網站上面嘅數據同現價有15分鐘delay，揀咗隻收回價係210元嘅牛證，基本上未見股價喺五分鐘圖上轉勢，呢隻牛證已經死咗，還好有戰友提點提點，換隻安全Call同埋收回價喺200元嘅牛證，出技術反彈時可以小注試追好倉，或甚五分鐘圖見上破50分鐘線(五分鐘圖10線)都可以出現。依家10點15分，我估戰友們已經落咗場。
忽然Feel到個天又黑晒，原來出面又落大雨，睇返恒指都見到佢落緊雨(早排有人同我講過話一落雨個市就跌，唔知大家有無做過呢個統計)，依家見到恒指五分鐘圖保歷加通道口終於拓闊，去到10點24分仲見到連小時圖條Slow STC(14,3)都改變埋，整個方向都向下殺牛，以截至依家10點31分計，恒指最低做過26101點，換言之第一層牛證26200至26299點全數死亡，而所謂第二層嘅26100至26199點都基本上可以當佢死晒，呢兩層夾埋有相當於217張期指，量唔係多，不過再落嘅26000至26099點呢一層都比較關鍵，再者2590025999點都有相當於400張期指，乃念恒指日線圖受制於20天線，而Slow STC(14,3)作勢又想回落，恒指Put(11363)，行使價26000點，同現價有約1.15%價外，低引伸、槓桿適中，年尾到期，揀得Put都知咩料啦，不過都係吼五分鐘圖見到超買位進場，貪心鬼純綷想盡量拉低Put輪價格嚟買啫。
者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
Facebook：https://www.facebook.com/cbbcwar
秒投聊天室：https://bit.ly/31HG6AN
