2021年4月1日
港股多隻重磅股先後公布過業績，不少出現投資者趁高位套利情況，反見有資金博入早已極度低殘的新科技股，其中騰訊(00700)一脫頹世單日大升44元收報654元(+7.2%)，早前較受追捧之傳統股類份就較失色了，看來資金完成首季季結就急急換馬轉戰第二季度。
擔心外圍拖累港股
業績見光後大家睇完報告可以逐隻揀選入市，但在美債孳息率問題再加美國狅印銀紙下，中美兩國爭拗仍然不斷，除時選股受到意想不到的外圍突襲，因為去年業績好未必走得過今年多變的全球環境，或許聽阿爺講揀隻可受惠內循環與及能疫後受惠股、博第二季有強勁復甦概念來，當然最好搵隻股價又低殘還未被人發現來入市，但講就易就算搵到都要有膽量先得，因要信自己為何未有人發現。
業績衰到已經貼地
有隻股公布業績為盈轉虧兼且過去十年來第一次停止派息，股價當然隨即大跌，這是理所當然的事不出為奇，所講的就是北京首都機場(00694)，去年疫情令航空業進入冰河時期，多隻飛機停放用來儲油多過飛天，做機場業務又怎麼會有好日過呢！業績見紅亦完全在意料之內，但跟據內地最新民航數據今年首兩個月報告顯示，原來三大國內航空公司旅客量已恢復至疫情前五成、而2月底國內航線已恢復至疫情前同期、而貨郵載運率回復至七成，即內地航運業已離開最黑暗日子已一段距離。
民航數據內尋寶
而北京首都機場股價在公布業績大跌後，幾日來雖然只有距離低位略為輕微回升，完全跟不上大市節奏，近日更有兩間投資機構主動減持，不過減持數量現時仍不大，無息派機構投資者或許要做些動作才能向老細交功課不定，但其實幾日來睇盤路就見另邊廂有人操作棄我取策略，在過去五個交易日雖然股價只是微升，但就明顯數據有主動買盤在吸納且強於主動沽盤情況，只不過看似主動買盤是屬於不太急進或不想讓過於明顯，北京首都機場過去一年多飽受疫情負面影響，隨着疫情穏定加上日後航班恢復客運量回升，其長還業務應該是有值得憧憬的地方，既然內地報告已顯示客運貨運量已回升，但北京首都機場股價就跟未上、還是因公布業績未開始跟上，就有待投資者去思量。
梁健雄
筆者未持有上述股票
編按:作者梁健雄，證監會持牌代表，香港財務策劃人員總工會副理事長，從事金融業達20年，曾任職多份報章包括英文虎報、南華早報、華爾街日報等後勤製作部工作。《炒股讀心》逢每周四跟讀者分享投資心理。
