2019年1月7日

【輪證贏家】極級冷門

上個星期五(1月4日)喺[下半part]再睇多次個市覺得好壞差半，最後戰友Jack特然開心share咗隻友邦保險(01299)，雖則上個星期五嘅下晝，友邦係咁上，SlowSTC(14,3)keep住超買；而到今朝見恒指爆升逾300點開市，友邦升0.87%，開市報$64，但到依家(9點58分)隨住個市升幅收窄，友邦都由一支空心陽燭變成實心陽燭。

先唔理友邦住，望一望嗰市點先，今朝升逾300點開，最高暫時做過26043點，放落牛熊證街貨圖上計數，25600至25699點開始，上到去25900至25999點呢四行街貨全數一開即死，呢度夾埋有2565張期指；至於26000至26099點嗰1182張期指，雖則個市依家升幅係收窄咗，但係呢咁近又過千張期指嘅街貨，都真係凍過水架。

再嚟恒指日線圖，今朝有勇有謀咁一下子殺咗上20天線(25794點)同50天線(25900點)，依家10點4分，以恒指現價25875點計，先係無咗條50天線；唔好咁唔開心先啦，換保歷加通道再睇，其實恒指已經由保歷加下降通道彈咗上去保歷加上升通道，一日唔失條保歷加通道中軸(即係20天線)，一日都有幾會向上爬，只要下方條DMI嘅ADX比個面就得啦(ADX數值由上星期五嘅24.057直一跌至依家嘅20.816)。

「咁樣講即係話個市其實係無力上？」條線係咁講囉，而用咗20分鐘時間去睇其他個股，發現大部分(唔理係唔係成分股都好)，個情況都係一樣(即上升但ADX下跌)，只係個別有幾隻唔係咁，不過嗰幾隻就個位剛好上到保歷加通道頂，確係唔啱心水(個樣似準備開Put添)。例如隻中國移動(00941)三粒陽燭已經由保歷加通道底彈到上個頂，只不過依家就到近頂時，陽陰燭仲出現埋「錘頭」，就係SlowSTC(14,3)只係上到中軸，但都好想揀定隻Put等佢掉頭。

又或者好似隻SPDR金ETF(02840)，個樣真係好好Put，「上升道通」剛好今日就破咗，而且升穿多時嘅保歷加通道頂今日都要屈返入去，14RSI、SlowSTC(14,3)同DMI都要由最盡嘅超買/向好訊號開始作出swing trade，只可惜坊間就只得一隻S金Put(15446)，事關呢隻underlying實在太冷門，我都只係夠膽睇唔夠膽博，有興趣而見市未有明確方向未可以真金白銀落場之前，paper trade啲冷嘢都幾過癮(話時話，呢隻嘢明明跟國際金價走，金價回難道避險情緒降咗？咁suppose個市又唔會差得去邊架喎...或者都要過埋聽日，睇吓中美傾貿易戰問題傾成點先知結果)。

作者阿珊，從事財經及投資版報道超過10年，由平面媒體走到網絡世界，《鐘擺戰略贏港股》作者。相信技術分析，由窩輪到牛熊證無一不炒，唔貪心，志在搵餐下午茶。

電郵：[email protected]；Weibo[下半part]：#Gladyshan#