2018年9月14日
C9噚晚無睇大台套劇，因為同一位輪商朋友Arthur走去食大排檔，「乜呢啲唔係會去啲好high嘅地方架咩？」發癲！我揸筷子叻過刀叉多多聲，鍾意食炒蜆多過食田螺，更何況對我嚟講，飯腳係重要過餐飯架， OK？不過我要weekend睇返噚晚嗰集囉。
噚日下晝寫《下半part》時恒指升500幾點，到最後收市升逾600點，重上27000點樓上，係無做過任何重作呀，事關睇日線圖見恒指仍處於「中期下降通道」裏面，呢一彈恐怕係一下子嘅技術性反彈，所以暫時就唔出手住。但今日(截至10點21分止)恒指再升逾200點，重返10天線(27052點)之上，而14RSI由超賣回升返至中軸水平，SlowSTC(14,3)亦完成「圓底」爬返上去，再加上如果視噚日恒指係觸「中期下降通道」底部回升，日線圖似視話你知係可以向上炒起。
噚日喺《下半part》畫咗個Fibonnacci出嚟，一畫之下就發現條「中期下降通道」底剛好又係0.382嘅26315點水平，至於0.5就係27683點水平，而呢個位係未到「中期下降通道」頂嘅。假設大市沿住呢個「中期下降通道」行嘅話，大方向就會變成係下行，之後但實際路線圖上嚟講，大家都知道就市升/跌，都唔會係全陽/陰燭走架嘛。今次一彈會唔會係由「中期下降通道」嘅底彈到上「中期下降通道」嘅頂呢？
再睇埋恒指牛熊證街貨圖，依家10點25分，恒指最高做過27318點，即係話依家最貼價嗰三part熊證街貨全數死亡，而呢三part加埋就等於1195張期指。再上嘅話，最吸睛都係要上到27600至27699點，呢度有相當於1042張期指。如果上述所推論嘅大市有望彈返上「中期下降通道」先至落嘅話，咁即係呢過千張期指都會凍過水，恒指牛(63614)，收回價26200點，同現價有過千點差距，成交活躍低街貨；至於噚日都有提過話逢高沽貨，呢個係手持大量正股嘅策略啫，同輪證係兩個世界，所以先至會建議咁做(大方向真係下向行嘅話，彈高仲唔減磅)。
作者阿珊，從事財經及投資版報道超過10年，由平面媒體走到網絡世界，《鐘擺戰略贏港股》作者。相信技術分析，由窩輪到牛熊證無一不炒，唔貪心，志在搵餐下午茶。
電郵：[email protected]；Weibo：#Gladyshan#
