10月16日 14:39

【輪證下半Part】重拾Swing Trade嘅玩法

今朝作戰室都係未有咩大作為，主要都係借住五分鐘圖行出嚟嘅低斜度「上升通道」做啲爬格仔嘅來回Swing trade玩法，由開市初段借保歷加頂底線到上半場尾段借保歷加頂同中軸線，幅度愈嚟愈細，maybe大家都掛住睇份《施政報告》。

作戰室都出動久違了嘅Swing trade玩法，去到上半場尾段時，見指數仍然守住喺五分鐘圖嘅保歷加上升通道裏面，小注好倉仲在手，等下畫會唔會再向上走多一級。不過，上方量度線嘅位都唔敢mark得太高，都只係用住小時圖嘅10/100線先。

今朝講過喺作戰室「罕有地」出一注耐少少嘅淡倉注，有原因架，開個周線圖睇就會明架啦。(咪以為我哋只係睇五分鐘圖先得架，乜圖都會睇嘅，咁先全面架嘛)

周線圖上見指數高位出現「穿頭破腳」，同步Slow STC(14.3)兩線已經見到觸頂向下，目測睇上個星期同今個星期(截至依家為止)嘅下影線似平底，但真心去度過，兩隻腳仔嘅位置分別係20190點/20131點，所以沒有平底可言。

其實如果再睇埋其他嘅重磅、藍籌股嘅周線圖，你都會見到唔係「穿頭破腳」，就係高位一支大陰燭喺度，核核突突咁。所以先至會有出長淡呢個諗法。

下半場開市之後，指數一步再向上跳高至「上升通道」頂，同步見五分鐘圖嘅100線前出埋平頂，Slow STC(14.3)又向下回啦喎，希望下半場都仲可以用呢個「上升通道」玩Swing Trade啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar