4月26日 13:15
今朝揀咗隻恒指牛(56050)出嚟,由於出文嘅時侯都已經見到指數確認上破五分鐘圖嘅小型「長方形」頂線,同步Slow STC(14.3)兩線亦都上到超買位,於是比較建議嘅做法都係等一等。
去到大約10點30分,見指數喺高位向下稍為回落到10線水平,唔穿線的話(56050)可以出動。比多五分鐘見確認唔穿10線,按10點35分至10點45分,即如常用10分鐘作為買貨時間入隻(56050),期內(56050)高位低做過0.074元/0.068元,平均買入價為0.071元。
呢一注好倉的確無set到目標價,而下方量度線如常的用返10線無問題;玩得純嘅見保歷加通道橫行,轉用中軸作量度線亦都可以,只係記住今日係星期五,過夜要過兩晚架。
上半場大約11點40分時有見到指數向下失10線,唯有20線守住,且午前已見Slow STC(14.3)重新兜底向上,只係要留意嘅係今日高位17638點呢個位出現嘅時候,五分鐘圖上「平頂」亦見,過到線囉,好倉再Hold有何不可?正數收割亦無任歡迎。
依家1點5分,下半場開市後暫時見指數都仲企於五分鐘圖嘅保歷加中軸之上,至於(56050)午後開出證價見0.078元,比平均買入價高7格或9.86%,仍然在手嘅就好好守住呢條線,想7格袋袋平安嘅,咪食囉。
作者阿珊,以技術分析專心玩輪證,唔貪心,努力賺取我家肥貓罐罐。
Patreon新增內容《開市前速報》,七日免費試用:https://www.patreon.com/join/cbbcwar