4月22日 13:58
今朝揀咗隻恒指牛(55580)，進取直出的話，留意小時圖嘅保歷加通道口拓闊嘅程度，因為當時有50/100/150線三線，求其有一條線見阻力都係麻煩。
以今朝出文時間10點5分，如常用10分鐘作為睇文時間的話，則於10點15分再睇返恒指走勢圖，見當時指數已經喺高位出現橫行情況，10線向上搵指數，整條保歷加通道亦見開始轉向上，換言之Slow STC(14.3)行超買再超買嘅條件愈來愈窄，似乎有得等新一輪嘅Swing Trade。
去到10點40分至10點45分左右，見Slow STC(14.3)兩線開始向下行，同步見指數失守10線水平，如果有玩開Swing Trade嘅，呢啲位出淡倉向下Swing一下都係可以架，今朝作戰室就係咁玩啦。
Swing Trade最大「道理」係相信物極必反，是故會選用數字設上/下限嘅Slow STC(14.3)嚟做Swing Trade嘅量度線(當然RSI都係可以嘅)，所以喺今朝11點20分，見Slow STC(14.3)兩線落到20以下嘅超賣位置時，借住保歷加通道剛剛開始變成橫行狀態下，(55580)出動博向上Swing返上去。
今朝Slow STC(14.3)處於超賣位嘅時間都唔短，去到11點50分前都仲見到，期間(55580)係可以施施然落場。以11點20分至11點50分，即Slow STC(14.3)見超賣位期間，(55580)高低位做過0.043元/0.037元，平均買入價為0.04元。
嗰啲時間出倉就預咗呢一注要過Lunch啦。持貨去到下半場開市後，指數於1點15分重上保歷加通道中軸，留意返當時整條保歷加通道窄到同條渠係無乜分別，我唔理、我唔知，總之就係等返Slow STC(14.3)上返去超買位嘅話，咁(55580)呢一趟Swing Trade就會完成。
出面再次進入黑夜，係呀，依家先至1點49分咋，黑到個天想冧落嚟咁滯，指數目前仍然定住喺升320點以上，戰友當然都有好倉比出，甚至已經爬完格仔啦，望望五分鐘圖Slow STC(14.3)兩線，都仲咬住喺80以上嘅超買範圍。試下等多陣睇下可唔可以等得到指數失心瘋向上飆高一下，反正指數依家定住喺保歷加上升通道之上，中軸樓上都仲對好倉有利嘅；不然依家(55580)證價報0.046元，點都有6格落袋先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
