3月13日 13:34

【輪證下半Part】你有你橫行

今朝揀咗隻恒指熊(67382)出嚟，主要都係睇小時圖嘅高位「十字星」唔順眼，所以都係揀住隻淡倉出嚟準備定啫。

以今朝出文時間10點12分，如常的用10分鐘作為買貨時間的話，則於10點22分再睇返恒指走勢圖，見指數已經重新再走返上中軸樓上，(67382)未出得，要繼續等。不過唔駛等好耐，10點半左右已經見指數重新向中軸樓下再出發，仲要見支「大陰燭」向下落，(67382)重新再見出貨位。

仍然如常的用10分鐘作為買貨時間的話，則於10點30分起計10分鐘買(67382)，期內高低位做過0.026元/0.025元，平均買入價為0.0255元。

不過，呢注淡倉出咗之後就伏咗啦，皆因指數亦剛好於五分鐘圖上回落到50線水平兼出下影線踩住，見到呢啲位通常「爬格仔」的話，安全起見都會先行爬走，之後如果再見到有新一輪機會的話先至再出手。喺呢個專欄嚟講，有唯有繼續按策略去做啦，喺10點45分見指數重上中軸樓上，亦都係反咗(67382)嘅方向，同步Slow STC(14.3)出咗觸底，於是(67382)唯有敗走離場。

按10點45分見指數重新上中，如常的用10分鐘作為走貨時間的話，期內(67382)高低位做過0.024元/0.022元，平均走貨價為0.023元，呢一注真係有啲冤枉，無啦啦輸咗2.5格或9.8%。但都唔緊要，事關你睇返今日上半場指數就正正喺走(67382)呢個位之後一直Keep住喺中軸樓上橫行，而今日半場高低波幅只得123點，仲要係前段比較早嘅時侯出現；到後段位置指數其實受限於頂至底得80幾點嘅保歷加通道困住，仲有指數窄到只係行半層保歷加通道，變相只係得40幾點，講緊仲要係拉到盡先有呢個數喎，所以暫時同戰友們比較大部份時間都係等/唔落場/觀察。

下半場開市之後見指數仍然喺窄窄嘅保歷加通道裡面運行，唉，無咩事我去瞓陣先。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰室免費試用：https://www.patreon.com/join/cbbcwar