12月1日 14:21

【輪證下半Part】一棍打返上17000點

恒指今日繼續低走，嚟到今年最後一個月仍然處於尋底格局，個底喺邊已經無得再估，就連用黃金比率拉線都已經失效，唯有續借牛熊證街貨圖，睇住街貨做Trade。

今朝揀定隻恒指熊(61147)出嚟，仍然用返小時圖條10線作量度線，唔過線就比出去睇下佢係咪咁有本事再創年內新低。以今朝出文時間9點59分起計，如常用10分鐘作為睇文嘅話，即喺10點9分再次睇返個市，當時小時圖已經出咗支新嘅燭，見10線水平為16990點。用返五分鐘圖拆返開嚟睇嘅話，當時指數已經低走過16990點呢口價，變相(61147)可以即時落場。

以10點10分起計如常用10分鐘作為買貨時間的話，期內(61147)高低位做過0.044元/0.039元，平均買入價為0.0415元。

係呀，呢注淡倉又係無比到目標價，執幾多食幾多自己話事啦；唯一守住嘅係小時圖10線作量度線，見佢企返上去的話就唔好理，淡倉要清貨先。不過，睇返小時圖見喺11至12點嗰一粒小時圖嘅燭都有穿過下條10線，但都只係限於上影線，未見企穩，膽粗粗繼續Hold多陣先。

去到下半場見指數終於都穿過16900點，心諗呢鋪仲唔落去收16800至16899點嘅肥牛，誰不知喺1點35分突然一棍抽高，之後再接多棍打返上去17000點樓上，小喇叭隻(61147)真係無鞋挽履走，喺1點35分見棍後起計10分鐘走人的話，期內(61147)高低位做過0.048元/0.039元，平均走貨價為0.0435元，好呀，嗰兩格就當係手續費，打個和啦。

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y